எனது குட்டி(க்கு) விருதுகள்

இது விருதுகளுக்கான சீசன். நான் வித்யாசமாக prepare செய்ய ஆரம்பித்தால், ஓரளவு விருதுகள் தேறியது. இவை அனைத்தும் நான் என் மகளுக்கு கொடுக்கும் விருதுகள். 

1. ஆள் மயக்கி விருது - சிறுவர்கள் முதல் பெரியவர்கள் வரை, புதிதாக சந்தித்தாலும் எப்படியோ அனைவரையும் attractட்டி விடுவாள்.  

2. சிறந்த கதை சொல்லி விருது - வெறும் பறவைகள்/ மிருகங்கள் உள்ள புத்தகத்தை வைத்தே கதையை இட்டுக் கட்டி சொல்லிவிடுவாள்.

3. 'தல' விருது - நான் 'தல' ரசிகைன்னா, என் மக 'walk' ரசிகை. எப்போதும் நடந்துகொண்டே இருப்பாள்.

4. இருட்டு கடை அல்வா விருது - இரவு 11 மணி ஆனாலும் விளக்கெல்லாம் அனைத்து விட்டிருந்தாலும் ஏதோ விளையாடிக் கொண்டே இருப்பாள்.

5. எது உன்னுதோ அது என்னுது, எது என்னுதொ அதுவும் என்னுது விருது - இந்த விருது 'Self explanatory'.

6. என் friendட போல யாரு மச்சான் விருது - ஒருநாள் நானும் அவளும் ஒரே கலரில் உடை உடுத்தி இருந்ததால், அவ பாடின பாட்டு. அடுத்த நாளே பள்ளியிலிருந்து வந்தவுடன், அதை கொஞ்சம் மாற்றி 'என் friend நிரஞ்சன் போல யாரு மச்சான்'ன்னு பாடினாளே பார்க்கணும்.

7. Baby Engineer - மொபைல், ரிமோட் எதுவா இருந்தாலும் பேட்டரியை கழட்டி, மறுபடி பொருத்தத் தெரியும்.  

8. Talent Inducer - எனக்குள் இருந்த சமையல் திறமையை வெளிக்கொணர்ந்தவள். அவ்வ்   

9. Home Food Eater (?!) - ஹோட்டலுக்கு போனால் நாங்கள் நன்கு சாப்பிட, அவ வெறும் அந்த சாலட்ல இருக்குற வெங்காயத்தை மட்டும் சாப்பிட்டு, டம்ப்ளர் நிறைய தண்ணி குடித்து, வீட்டுக்கு வந்தபின் youtube பார்த்துக் கொண்டே இட்லியை சாப்பிடுவதால்.      

10. Baby. Complaint - சதா எதை/யாரைப் பற்றியாவது புகார் சொல்லிக் கொண்டே இருப்பதால்.  

11. Best Adviser - மற்ற குழந்தைகளுக்கு அட்வைஸ் மழை பொழிவதால். (துப்ப கூடாது, ஒழுங்கா சாப்பிடனும்; குட் கேர்ள்ளா இருக்கணும் etc.)  

12. Best Entertainer - அடுத்தாத்து அம்புஜத்தை பாட்டை முழுதாக, ஓரளவு ஆக்க்ஷனுடன் பாடுவாள். Youtube புண்ணியத்தில் தென்னிந்திய மொழிகள் எல்லாவற்றிலும் தலா ரெண்டு ரைம்ஸ்சாவது சொல்லுவா.    

13. Best Nose-Cutter - அவளுடன் பழகும் எல்லாருக்கும், ஒரு மூக்குடைப்பாவது உறுதி. ஒருமுறை நான் ஏரோப்ளேன் வரைந்தால், அதை மீன் என்று சொன்னாள்.

14. Selective Appetite - முறுக்கு, சிப்ஸ் தவிர மற்ற எல்லாமே, அவ மூட் பொறுத்துதான். அல்லது அவ சாப்பிடுவது அந்நாளில் என் அதிர்ஷ்டத்தைப் பொருத்தது. பெரும்பாலும் எனக்கு துர்-அதிர்ஷ்டம் தான்.        

15. பேசும்போது நல்லா வக்கணையா பேசு விருது - 'அம்மா, நல்லா சாப்பிட்டாதான் பலசாலியா இருக்கலாம். நான் இனிமே நல்லா சாப்பிடுவேன்மா'ன்னு சொல்லிட்டு, செயல்ன்னு வரும்போது என் பொறுமையை சோதிப்பாள்.  

16. Baby Slim Beauty - மேல் சொன்ன காரணங்களுக்காக அவ மிக ஒல்லியா இருப்பா. எனவே இந்த விருது. 

17. Terror Teacher - டார்க் ரூம்ல போட்டுடுவேன், அம்மாகிட்ட அனுப்ப மாட்டேன்ன்னு ஒரு டசன் பயங்களைக் காட்டுவாள் அவள் டீச்சர்ராக இருக்கும் விளையாட்டில்.    

18. Take It Easy - எங்க விழுந்து எங்க அடிப்பட்டாலும், சாதரணமா எழுந்து போயிட்டே இருப்பா. இல்லன்னா 2 mins நூடுல்ஸ் மாதிரி அழுகை.  

19. Best Accommodative Baby - எனக்கு உடம்பு முடியாதபோது, ஒரு வாரம் என்னை விட்டு அவ அத்தையிடம் சமர்த்தாக இருந்ததால். 

20. Tongue Twister - beach-jeap, kitchen-chicken இவற்றை சரியாக மாற்றி உபயோகிப்பா ஒவ்வொரு முறையும்.  

21. ஜென் Award - அவள் பிறந்த நாளுக்காக 5,6 உடைகளை அவளுக்கு  கொடுத்தபோது 'என் கிட்டதான் நிறைய ட்ரெஸ் இருக்கேம்மா, எதுக்கு இவ்ளோ வாங்கின' ன்னு சொன்னதற்காக. 

22. செல்லம் - மொத்தத்தில் எங்கள் அனைவருக்கும் செல்லம் அவள்.

என்ன, உங்களுக்கும் அவளை பிடித்து போயிற்றுதானே!

எங்கள் வீட்டு கொலு Vs எங்கள் செல்ல வாலு

கடந்த இரண்டு வருடங்களாக டைனிங் டேபுள் மேல் மூன்று படியிட்டு, எங்கள் வீட்டு வால்'லிடமிருந்து காப்பாற்றப்பட்ட கொலு பொம்மைகளை, இந்த வருடம் 'நம்ம மானு பெரியவளாயிட்டா (மூன்று வயது!!), சொன்னா கேட்டுக்குவா. கீழ் நோக்கியே படி வை' ன்னு என்னவர் சொன்னதற்காக அப்படியே  வைக்கப்பட்டது. என்ன இருந்தாலும் காக்கைக்கு தன குஞ்சு பொன் குஞ்சுதானே. :) 

ஒவ்வொரு கொலுவுக்கும் தவறாமல் எட்டிப்பார்ப்பது என் கணவரின்  கடுகடுப்பு,  ஸ்டீல் பலகைகளை முடுக்கி படிக்கெட்டுகளை அவர்தானே அமைக்க வேண்டும் :-D எப்பவும்போல இந்த முறையும் அவரது எரிச்சலை கண்டுக்காமல், சில பல ஜோக்ஸ் சொல்லி (சரி சரி ஜோக் சொல்ல முயற்சி செய்து) கூல் செய்து பொம்மைகளை பரணிலிருந்து இறக்கி, படிக்கெட்டுகள் செட் செய்து வைத்தாயிற்று. "நம்ம வீட்லதான் show case இருக்கே, permanentஆ கொலு பொம்மைகளை இங்கயே வெச்சிடலாமே" என்ற சமயோசித அட்வைஸ்(?!) க்கும் மையமாக சிரித்து வைத்து, பொம்மைகளை துடைக்கும் வேலையில் உட்கார்ந்து  விட்டேன். நான் தான் அடுக்குவேன் என்று அடம்பிடித்து, உதவியில் இறங்கிவிட்டாள் மகள்.

அந்த காலம் போலல்லாமல், சென்னையில் இப்போதுள்ள வழக்கம், ஒன்பது நாளில் ஒருநாள்தான் கொலுவுக்கு அழைப்பார்கள்/வருவார்கள். அதனால் தினமும் சுண்டல் வீணாவதன் கவலை இல்லை. நேற்று அனைவரையும் (20 வீடு) அழைத்தாயிற்று. நேற்று மதியம் முதலே அடை மழை. நானோ அரைகிலோ பட்டாணி காலையில் ஊறப்போட்டு சாயிங்காலம் சுண்டலும் செய்துவிட்டேன். மழை ஒருவழியாக நின்று, ஒருவழியாக  எல்லாரும் வந்து, சுண்டலும் காலியாகிவிட்டது. :)

பெரியவர்களுக்கு பிளாஸ்டிக் டப்பா & ஜாக்கெட் பிட், சிறுவர்களுக்கு பென் & ஸ்கெட்ச் கொடுத்தாகிவிட்டது. மற்றபடி சம்பிரதாயமான பெரியவர்களை - பாடச்சொல்வது, சிறுமிகளை - சினிமா பாட்டானாலும் பாடுன்னு சொல்வது, வாண்டுகளை - ஸ்லோகம் சொல்லச்சொல்வது போன்றவை நடந்தது. வீட்டுக்கு வந்தவங்களுக்கு தண்டனை போல (சுண்டலை சொல்லலீங்க, அது தனி!), என் கணவர், மகளின் புகழை பாடத் தொடங்கி விடுவார். 

இனி என் மூன்று வயது மகளின் விஷமங்கள்:

• பெட்டியிலிருந்து எடுத்த முதல் பொம்மையே பேப்பர் மோல்ட் செய்யப்பட்ட, வாங்கி நான்கைந்து ஆண்டுகள் ஆனாலும், பளபளப்பு குறையாத கஜ லக்ஷ்மி. அவ்வளவு அழகு அந்த பொம்மை. மானு அடம்பிடித்து என்கையிலிருந்து வாங்கி விளையாட ஆரம்பித்துவிட்டாள். போகிறதென்று மற்ற பொம்மைகளை தூசி தட்டி வைக்கும்போது, 'அம்மா, என்னை பாத்து சிரி' என்று அசடு வழிந்தாள் மகள். அவள் அப்படி சொன்னாலே ஏதோ விஷமம் செய்திருக்கிறாள் என்று புரிந்துகொள்ள வேண்டும். என்னவென்று பார்த்தால், அந்த பொம்மையின் தலை வெட்டப்பட்டுள்ளது. :-(

• அவளது பள்ளியில் நவராத்திரி கொண்டாடுவதால், ஒரு ரங்கநாதர் பொம்மை வாங்கி, 'இது உங்க ஸ்கூல் கொலுவுக்கு' என்று சொல்லி அவளிடம் கொடுத்தனுப்பினோம் சென்ற வாரம். எங்கள் வீட்டில் எல்லா பொம்மையும் வைத்த பிறகு, 'மானு, எப்படி இருக்கு நம்ம வீட்டு கொலு' என்றால் அவள் சர்வசாதாரணமாக 'பெருமாள், அனுமார் எல்லாம் வெச்சிட்டே. ரங்கநாதர் பொம்மையே இல்லை. இத போய் கொலுங்கரே?, போம்மா நீ' என்கிறாள். 

• பொம்மையை தொடக்கூடாதுன்னு அவ்வப்போது சொல்லி சொல்லி வைப்பேன் அவளிடம். நேற்று விளக்கேற்றும்போது கவனித்தேன், தசாவதாரத்தில் கல்கி திரும்பி நின்றுக்கொண்டிருந்தார். 'ஏன் மானு இப்படி பண்ணினே?' என்றால், அவள் கூலாக 'அம்மா, அந்த சாமி சாய்பாபவ பாக்கணும்னு சொல்லிச்சு, அதான் திருப்பி வெச்சேன்.' என்கிறாள்.

• எங்கள் வீட்டில் வேலை செய்பவர், மானுவின் முதல் தோழி. அவங்களுக்கு ஒருநாள் சுண்டல் கொடுத்து, அவரும் சாப்பிட்டுக் கொண்டிருந்தார். இவளுக்கு சுண்டல் பிடிக்காது (வேறென்ன பிடிக்கும்னு கேக்காதீங்க. அவளுக்கு எதுமே பிடிக்காது). அதனால் அவர் சாப்பிடுவது பார்க்க பிடிக்காமல் 'ஆன்ட்டி, சுண்டல் எல்லாம் சாப்பிடக் கூடாது, பல்லுல பூச்சி வந்துடும்' என்கிறாள்.  

இதுதான் என்வீட்டு கொலுவின், எங்கள் செல்ல வாலுவின் கதை. 

நீங்க எப்போ வரீங்க எங்க வீட்டு கொலுக்கு?

Manasa born on my Dad’s day

When the doctor told us that my baby's delivery date would be October 14, 2009, I prayed that the baby be born on either the 11th, which is my dad's birthday, or the 12th, which was his 'shraardha' day. 

I was admitted to the hospital on the 12th early in the morning, but only after I ate a bit of ‘prasadham’ of my dad's 'shrardham’ around 4 pm, things started working out fine for a normal delivery. And my baby was born at night at 12.45.

 

As it crossed 12 o'clock, her birth date became the 13th. But according to our "madhwa" culture, the day ends only at 2 am, so in that sense, my baby was born on my dad’s Shrardha day only, as both the stars match.

So I believe my dad is my daughter.

And im not sure if its a destiny or a compensation from God, but im sure its a blessing. 

ட்விட்டர் பற்றிய கீச்சுக்கள்

• DP, அதிலிருக்கும் போஸ் இவை அவரவர் கீச்சும் கீசுகளுக்கு ஒத்து போவதை உணர்கிறேன்.

• நல்ல வேளை, ட்விட்டர் ஒலி வடிவத்தில் இல்லை. ஒரு 10-20 பேர் சம்மந்தம் இருந்தும்/இல்லததுமாய் விடாமல் பேசிகிட்டே இருந்தா? #தலைவலிதான்

• ட்விட்டரில் இருப்பதனால் பல புதிய சிந்தனை, நகைச்சுவை, செய்தி போன்றவற்றை குடும்பத்தாரோடு பகிர்ந்து 'திடீர் புத்திசாலி' ஆனது நான் மட்டும்தானா?

• RT வரும் பின்னே. என் ட்விட் வரும் முன்னே. ஹிஹி

• த்விட்டர்ல கொட்ட ணும்னா அளந்து கொட்டனும் #140

• த்வீட்டுகள் வலை பாய்ந்தபிறகு RT ஆவது நிறுத்தப்படுகிறது. #அவதானிப்பு

• ட்விட்டர் எனது ஆசிரியரை விட உயர்ந்தவன். அடிக்கடி 'You will have to be more clever' ன்னு அட்வைஸ் செஞ்சிட்டே இருக்கு.

• 'எழுதி கீச்சிட்டேன்' என்பது த்விட்டருக்கே பொருந்துது.

• ட்விட்டரில் கவிதை வரும் முன்னே! பூமியில் மழை வரும் பின்னே!

• ஆ.வி.யில் இல்லா விட்டால் என்ன, அவனின் தங்கை பத்திரிகையில் வந்துள்ளது என் த்வீத். #அவள் விகடன்

மொக்கை / கடி கீச்சுக்கள்

• ரேடியம்ல பண்ண பிள்ளையார், இருட்டுல நல்லா தெரியும் - கடைகாரர். பகல்லயும் நல்லாதானே தெரியுது - நான். ஞே - கடைகாரர்

• ஏப்ரல் மாசத்தில் பரேடு நடந்தாலும் அதற்கு பேர் மார்ச் பாஸ்ட்தான்.

• உப்பிட்டவரை உள்ளளவும் நினை #எப்படி மறக்க முடியும் வெறும் உப்பை சாப்பிடக் கொடுத்தவங்களை ?

• தலையில் நட் சரியாக பொறுத்தப்படவில்லை என்றால், அது கழண்டு காலில் ஆணியாக வரும்.

• பெருக்குவது, கூட்டுவது - கணக்குல வேணா இது ரெண்டும் வேற வேற, ஆனா வீடு சுத்தம் செய்யும்போது ரெண்டும் ஒண்ணுதான்.

• எதிர் கீச்சு, தொடர் கீச்சு, பாதிப்பு கீச்சு - இவைகளே சுலபமாக உள்ளது. சிறு வயதில் படிப்பில் 'starting trouble' இருந்ததால் இருக்குமோ? 

• 'Came out well' ன்னு சமையலுக்கு சொல்கிறார்களே, கடாய்'லிருந்து வந்ததை சொல்கிறார்களா அல்லது வாயிலிருந்து வந்ததையா?

• Awesome, attitude, chemistry - இந்த வார்த்தைகளை உபயோகப்படுத்த தெரியுமானால் நீங்கள் டான்ஸ் போட்டியின் நடுவராக தகுதியுள்ளவர்!

• கார்த்தால ட்விட்டர் பார்க்கலாம்னா எல்லாரும் அபசகுனமா 'காலை வணக்கம்' ன்னு சொல்றாங்க. கையால வணக்கம் சொன்னாங்கன்னா பரவாஇல்லை.

• உயிரில்லாத GATE க்கே எக்ஸாம் இருக்கும்போது, CAT எக்ஸாம் இருக்காதா என்ன?

• டிவியில் கோட் (goat) இருக்கிறது என்றாள் என் மகள். கோட் மட்டும் எப்படி இருக்கும், உள்ளே கோபிநாத்தும் சேர்ந்து தானே இருக்கணும்? 

• ESC க்கும், ENTER க்கும் நடுவில் அனைத்து கீக்களும் அடங்குவது, ஜனனத்திற்கும், மரணத்திற்கும் நடுவில் வாழ்க்கை என்பதைத் தழுவியா?

• ரூபாய் நோட்டுகளுக்கு பிடிக்காத விளையாட்டு செஸ் தான். 'Check' என்று தானே சொல்கிறோம்.

• யாஹூ ப்ரோபைலில் எதையோ மாற்ற முயற்சிக்கையில், 'bad wording' என்ற எர்ரர் வருகிறது. கெட்ட வார்த்தையால் திட்டுகிறார்களோ?

• நீ என் மூச்சா, இல்லை நான் உன் மூச்சா - நாம் பேசிக்கொண்டிருக்கையில், உன் பேன்ட்இல் நம் மழலையின் மூச்சா. அவ்வவ் :)

• நீ என்னைப் பார்த்தாய் - காதலாய், நான் உன்னைப் பார்தேன் - கெஞ்சலாய். #பவர் கட்' டினால் சாதாரண பார்வை கூட இப்படி தோன்றுகிறது. #ஹி ஹி

• வெட்டப்பட்ட வெள்ளை முடிதான் மறுபடியும் வளர்ந்து, எனக்கு முடி வளர்வதை உறுதி செய்ய வேண்டுமா? அடச்சே

• சமயலறையில் செய்யப்படும் ஒவ்வொரு புதியதான ரெசிபிக்கும், அன்றைக்கே இன்னொருவர் கதறியழக் கூடும். எ.கீ

• அகங்காரம் என்பது என்னன்னா 'நான் எதுக்கு சொல்லணும்? ம்ஹும் மாட்டேன்.'

• 'இவ்வளவு பொறுத்து போகிறாயே' - பெருமை என்கிறாள் அம்மா - எருமை என்கிறாள் நண்பி. #நண்பிடா!

• மிகவும் கூச்ச கீச்ச சுபாவம் கொண்டவர்கள் DM இல் மட்டும் பேசுவார்கள். தொ.கீ. (தொடர் கீச்சு)

நொறுக்க்ஸ் - Apr 23

எனது பழைய கலிக் என்னுடன் போனில் பேசும்போது ஒரு விஷயம் சொன்னார். "நம்ம பாஸ் இத்தாலியிலிருந்து அடிக்கடி Where are you? ன்னு மெயில் பண்ணறார். ஆனா நான் தான் reply பண்ணறதே இல்லை". நான் பரவா இல்லையே என நினைத்து கொண்டேன். சில மாதங்களுக்கு முன் என் வீட்டிற்கு வந்த அந்த தோழி அவருடைய மெயில் பாக்ஸ் எனக்கு காண்பித்தார். அப்புறம் தான் எனக்கு விளங்கியது, அவை automated reminders from a social networking site called WAYN.

நினைப்புதான் பிழைப்பை கெடுக்கும் என்று அவரை கிண்டல் பண்ணி தீர்த்து விட்டேன். 

****************

ரோட்டில் எச்சை துப்புவது என்பது அந்த பழக்கம் இல்லாத அனைவரும் வெறுக்க தக்க விஷயம்.

சில வருடங்களுக்கு முன் நானும், என் கணவரும் எங்கோ நடந்து சென்று கொண்டிருந்தோம். அப்போது யாரோ ஒருவன் எங்கள் எதிரில் வந்து கொண்டிருந்தான். சற்றே இடைவெளி இருக்கும்போது 'கர்ர்ர் தூ' என்று துப்பிவிட்டான்.  எங்களுக்கு ஒரே அருவருப்பு. என் கணவரோ "அவன் என்னை பார்க்கல போல" என்றார் கோபமாக (முறைத்துக் கொண்டிருந்தாராமாம்). உடனே நான் "ஏன், உங்களை பார்த்திருந்தால், உங்கள் மேல் துப்பி இருப்பானா" என்று விழுந்து(2) சிரித்தேன்.

அவருக்கும் சிரிப்பு வந்தாலும், "சரி சரி, நீ அடிச்ச ஒரே ஜோக்குக்கு எவ்ளோ நேரம் நீயே சிரிப்பே" என்று மீசையில் மண் ஒட்டாதவாறு இருந்தார்.

நொறுக்க்ஸ் Apr 6

என் அண்ணன் பெரும்பாலும் நக்கல், காமெடி என சதா கலாட்டா  செய்துக் கொண்டிருப்பார். என் அண்ணன் சொன்ன (அடித்த?) என்னால் மறக்கமுடியாத இரண்டு காமெடிகள் கடைசியில்.

---

One of my childhood mysteries:

We all know that Half-an-hour is 30 min and Half-of-one is 0.50.

If the time is 2.30 and when someone asks me what time it is now, I used to get confused if I need to tell two-thirty or two-fifty.

Anybody in the same boat?

---

காமெடி 1:

சில வருடங்களுக்கு முன்னால், அதாவது நான் +2 படித்துக் கொண்டிருக்கையில் (சரி, சரி, பல வருடம்ன்னே படிங்க) என் அண்ணன் பாத்ரூமில் குளித்துகொண்டிருக்கையில், நான் பாத்ரூம் வெளியில் வராண்டா (யாரும் வரவில்லை, verandahவை தான் அப்பிடி சொன்னேன்) வில் நின்று தலை (முடி தான்!) சீவிக்கொண்டிருந்தேன். கூடவே ஏதோ பாட்டும் பாடிக்கொண்டிருந்தேன். உள்ளிருந்து என் அண்ணன் "ஏண்டி பாத்ரூம் வாசல்ல நின்னு பாடறே, யாராவது பார்த்தால் நான் சும்மா குளிக்கறேனா இல்லை தீ குளிக்கறேனாங்கர சந்தேகம் வந்துட போகுது" என்றார்.

காமெடி 2:
இதுவும் நான் +2 படிக்கும்போது நடந்ததுதான். எனக்கு எங்கள் கணித ஆசிரியரை மிகவும் பிடிக்கும். அவர் வகுப்பு எடுப்பது ஆகட்டும், டிப்ஸ் வழங்குவது ஆகட்டும், எழுது பலகை சுத்தம் செய்வது ஆகட்டும், அனைவரது கவனத்தை ஈர்ப்பது ஆகட்டும் + அவரது பெரிய உருவம், பெரிய மீசை என அனைத்தும் style தான். பெரும்பாலான மாணவர்களுக்கு ரோல் மாடல் ஆசிரியர் அவர்தான். நானும் தினமும் வீட்டில் அவர் புகழ் பாடிக்கொண்டிருப்பேன். அப்பிடி ஒருநாள் என் அண்ணனிடம் நான் சொன்னது "என் மாத்ஸ் டீச்சருக்கு எந்த கணக்கு கேள்வி சொன்னாலும், உடனே அவர் விடை சொல்லிவிடுவார்". அதற்கு என் அண்ணன் சொன்னது "நீ 17 வருஷமா சாப்பிடறே, என்னிக்காவது வாயிலிருந்து திரும்ப தட்டில் சாதம் விழுந்திருக்கா?".

நொறுக்க்ஸ் - Apr 03

நான் என் குழந்தைக்கு "ஷாம்பூ சாதம்" கொடுத்தேன் என்கிறாள் என் niece. விவரம் கடைசியில்.
---

சில வருடங்களுக்கு முன், நான் பணியாற்றிகொண்டிருக்கையில், ஒரு கலிக் கேட்டாள் "உன் பிறந்த நாளா செப் 12 ? அன்றுதானே NY Twin towers விழுந்தது?". நான் சொன்னேன் "இல்லை, அது நடந்தது செப் 11.  செப் 12 அன்று நல்லது மட்டுமே நடக்கும்".

என்ன சரிதானே?
---

சில வருடங்களுக்கு முன்னால், நான் வேலை செய்த ஆபீஸ் திருவான்மியூரில் ஒரு individual residenceக்கு shift ஆனது. என்னிடம் யாராவது எங்கே இருக்கு ஆபீஸ் என்றால், நான் சொல்வேன் "Tidel Park பக்கத்தில்". :)

அதே போல் சென்ற வாரம் ஒரு சம்பவம்...           

Next to our apartments compound, வெல்டிங் கம்பெனி மூடப்பட்டு ஏதோ ஒரு ஆபீஸ் திறக்கப்பட்டுள்ளது. 10 - 12 பவர் கட் ஆனால், அனைவரும் வெளியில் வந்து வம்படித்து கொண்டிருப்பர். ஒரு நாள் நான் அந்த ஆபீசை கடக்கையில், ஒருவர் போனில் பேசிகொண்டிருந்தார் "எனக்கு வேலை கிடைச்சிடுச்சு... அசோக் பில்லர் பக்கத்துல இருக்கு ஆபீஸ்".
நான் நினைத்து கொண்டேன் "ஒரு சந்துல ஆபீஸ் இருக்கு, எப்படி பீலா உடறான் பார்.".

என்னை போல் ஒருவன்.

---
அதே போல், நான் வேலை செய்தபோது, யாராவது எந்த கம்பெனி என்றால் "Infosearch" என்பேன். பெரும்பாலானவர்கள் உடனே கேட்பார்கள் "oh, இன்போசிஸ்ஆ?". கேட்பவரை நான் திரும்ப சந்திக்க மாட்டேன் என எனக்கு தோன்றினால், நான் மறுப்பு எதுவும் தெரிவிக்க மாட்டேன்.

சில நாட்கள் கழித்துதான் தெரிந்து கொண்டேன், என்னோடு பணிபுரியும் அனைவருக்கும் இந்த  சந்தர்ப்பம் வரும் என்று.
---

இப்போது ஷாம்பூ மேட்டர்.    

சில வாரம் முன் என் மகளுக்கு ஜுரம். சஹானா என்னிடம் "எப்படி அத்தை,  ஜானுவிற்கு fever வந்தது?". நான் "தெரியல்லை, அவளுக்கு நான் shampoo bath கொடுத்தேன், அதனால் இருக்கலாம்". உடனே அவள் "ஐயோ அத்தை, ஷாம்பூ தலையில் போட்டுக்கொள்வது, அதை ஏன் சாதத்தில் கலந்து அவளுக்கு ஊட்டினீர்கள்?". பிறகு புரிந்தது எனக்கு, நான் bath - குளியல் என சொன்னதும், அவள் bath - சாதம் என புரிந்துகொண்டதும்.

பிறகு அவளும், நானும் சிரித்ததை சொல்லவும் வேண்டுமோ?

நொறுக்க்ஸ் - Mar 26

நான் ஏழு மாசம் ப்ரெக்னன்ட்ஆக இருக்கும் போதுதான் என் niece அமெரிக்காவில் இருந்து வந்தாள். வயிற்றில் பாப்பா என்றவுடன் அவளுக்கு ஆச்சர்யமும் சந்தேகமும் ஒரு சேர வந்தன. “அத்தே, பாப்பா வயித்துக்குள்ளேயா  இருக்கு ?” என்றாள். நான் “ஆமாம், வெளியே வந்தவுடன் உன்னுடன் விளையாடும்” என்றேன். அதற்கு அவள் என்ன சொன்னாள் “பாப்பாவை எப்படி  அத்தே சாபிட்டே?... yakki” :)


########

என் குழந்தைக்கு ஏழு மாசம் ஆகும்போதுதான் என் niece முதல்முறையாக என் குழந்தையை பார்த்தாள். அவள் US இல் இருந்து போனில் பேசும்போது, “நீ சென்னை வரும்போது ஜானு உன்னுடன் விளையாடுவாள்” என்பேன். அவள் வந்தபோது, சதா படுத்துக்கொண்டே இருக்கும், சிரிக்கும், கை-கால் ஆட்டும் குழந்தையோடு  அவளுக்கு சிறிது நேரமே entertaining காக இருக்க, அவள்  “அத்தே, பாப்பாவை பாட்டிகிட்டே  கொடுத்துட்டு  வா, நாம ரெண்டுபேரும்  விளையாடலாம்”  சொன்னாள். அதை கேட்டு அனைவரும் சிரித்தோம்.